महत्त्वपूर्ण प्रश्नहरूको शृङ्खला

यदि परमेश्वर अस्तित्वमा हुनुहुन्छ भने, किन खराब कुराहरू हुन्छन् ?

संसारमा यति धेरै दुःख, पीडा र दुष्टता छ, आखिर यी सबै कुराहरू भइराख्दा परमेश्वर कहाँ हुनुहुन्छ ? यो ख्रीष्टियानहरूले सामना गर्नुपर्ने एउटा महत्त्वपूर्ण प्रश्न हो। यो हाम्रो विचारलाई कमजोर बनाउन खोज्ने एउटा साधारण आरोप पनि हो। दुष्टतासम्बन्धी प्रश्नहरू उठ्दा, हामीले सन्देहवादीहरूलाई कसरी जवाफ दिने र दुःख भोग्नेहरूलाई कसरी सान्त्वना दिने ?

यस पुस्तिकामा, डा. आर.सी. स्प्रौलले दुष्टताको समस्यालाई सम्बोधन गर्नुहुन्छ र ख्रीष्टियानहरूले इतिहासभरि यस्तै गाहो प्रश्नहरूसँग कसरी सङ्घर्ष गर्दै आएका थिए भन्ने कुरा देखाउनुहुन्छ। हामी पनि ती विश्वासीहरूसँगै यस संसारलाई नियन्त्रण गर्नुहुने र यस संसारमा हुने सबै कुरालाई हाम्रो भलाइको निम्ति प्रयोग गर्नुहुने परमेश्वरमाथि भरोसा गर्न सक्छौँ।

येशू को हुनुहन्छ ?

 एक ठग ? एक पागल मानिस ? कि देहधारी ईश्वर ?

इतिहासमा नासरतका येशूभन्दा बढी मतभेद उत्पन्न गर्ने व्यक्ति अरू कोही छैन। कसैले उहाँलाई ठग भन्छन् त कसैले पागल । धेरै अवस्थाहरूमा मानिसहरूको महत्त्वाकाङ्क्षा अनुसार उहाँको कथालाई परिवर्तन गरिएको छ ।

येशूको विषयमा त्यहाँ फरक विचारहरू भए तापनि, उहाँलाई वास्तविक रूपमा बुझ्नको लागि हामी बाइबलमै जानुपर्ने हुन्छ । यस पुस्तिकामा डा. आर. सी. स्प्रौलले बाइबलको विवरणहरूलाई जाँच्दै ख्रीष्ट परमेश्वरका पुत्र हुनुहुन्छ भन्ने प्रभावशाली चित्र प्रस्तुत गर्नुभएको छ।

पवित्र आत्मा को हुनुहुन्छ ?

पवित्र आत्माको व्यक्तिर कार्यले आज धेरै चासो जगाएको छ, तर साथसाथै धेरै भ्रम पनि उत्पन्न भएको छ। धेरै मानिसहरूले पवित्र आत्मा वास्तवमा को हुनुहुन्छ र उहाँले हाम्रो जीवनमा कसरी कार्य गर्नुहुन्छ भन्ने कुरा पूर्ण रूपमा बुझेका छैनन्।कतिपय मानिसहरू त पवित्र आत्माले बाइबलभन्दा बाहिर वा अलग रहेर आफूसँग कुरा गर्नुहुन्छ भन्ने दाबी समेत गर्छन्। यस पुस्तिकामा, डा. आर.सी. स्प्रोल (Dr. R.C. Sproul) ले धर्मशास्त्रतर्फ फर्केर यस भ्रमलाई चिर्नुभएको छ। पवित्र आत्मा को हुनुहुन्छ भनी व्याख्या गरिसकेपछि, डा. स्प्रोलले यस संसारमा उहाँको कार्यको संक्षिप्त रूपरेखा प्रस्तुत गर्नुभएको छ—जसमा अविश्वासीहरूलाई नयाँ जीवन दिनेदेखि लिएर परमेश्वरका जनहरूलाई पवित्र पार्ने र शक्ति दिनेसम्मका कुराहरू समेटिएका छन्।

विश्वास के हो ?

अन्धो विश्वास ? आशा ? वा अरू नै केही ?

हामी प्रायः मानिसहरूले यसो भनेको सुन्छौं, “केवल विश्वास गर।” तर, विश्वास के हो? के यो अन्धकारमा हाम्फाल्नु हो ? के यो कुनै प्रमाणबिना केही कुरालाई विश्वास गर्नु हो ? बाइबलले विश्वासलाई कसरी व्याख्या गर्छ ?

यस विश्वास पुस्तिकामा  डा. आर. सी. स्पौलले हिब्रू ११ बाट विश्वासको बाइबलीय परिभाषा दिनुहुन्छः विश्वास भनेको परमेश्चरलाई विश्वास गर्नु र उहाँको वचनद्वारा जिउनु हो। परमेश्चरका जनहरूको जीवनलाई नियाल्दै उहाँले भविष्यको बारेमा केही थाहा नहुँदा पनि तिनीहरूले कसरी परमेश्वरलाई भरोसा गरे भन्ने कुरा देखाउनुहुन्छ। उनीहरूले जस्तै, जीवनमा कठिनाइहरूको सामना गर्दा, हामीले पनि परमेश्वरलाई भरोसा गर्नुपर्छ।

सुसमाचार के हो ?

परमेश्वर असल हुनुहुन्छ, त्यसैले हामीले असल जीवन जियौँ भने, उहाँले हामीलाई स्वीकार्नुहुन्छ भनी धेरै मानिसहरूले सोच्ने गर्छन्। तर यो असल खबर भने होइन, किनभने हामी कोही पनि परमेश्वरजस्तो असल छैनौँ। यदि हामीलाई आफ्नो हालमा छोडिदिने हो भने, हामी जुन कुराको योग्य छौं, त्यही कुरा पाउने छौंः उहाँको न्याय।

यो सानो पुस्तिकामा डा. आर. सी. स्प्रौलले सुसमाचारलाई, हामी जस्तो पापी मानिसहरूको निम्ति परमेश्वरको असल खबरलाई वर्णन गर्नुहुन्छ। जब हामी उहाँको धर्मी दण्डबाट आफैलाई कहिल्यै पनि बचाउन नसक्ने अवस्थामा थियौँ, परमेश्वरले हामीलाई उहाँको पुत्रमा भरोसा गर्नको निम्ति बोलाउनुभयो । येशू ख्रीष्टले मात्र हामीलाई उहाँको धर्मी जीवन, प्रायश्चितको मृत्यु र विजयी पुनरुत्थानद्वारा छुटकारा दिन सक्नुहुन्छ।