प्युरिटन खजाना आजको लागि

बचाउने विश्वासको सुसमाचारीय प्रमाणहरू 

परमेश्वरले हामीचाट पवित्रताको माग गर्नुहुन्छ, किनभने उहाँ स्वयम् पवित्र हुनुहुन्छ । उहाँले सिद्धताको पनि माग गर्नुहुन्छ, जसे हाम्रो स्वर्गीय पिता सिद्ध हनुहुन्छ । तर, हामी तबसम्म पवित्र वा सिद्ध हुन सक्दैनों, जबसम्म हाम्रो पवित्रता र सिद्धत्ता परमेश्वरको पवित्रता र सिद्धतासँग केही हदसम्म मेल खाँदैन । यदि हामीले यो कुरा निरन्तर आफ्नो हृदयमा सही रूपमा ग्रहण गर्न सक्यों भने, यसले हामीलाई हरेक कर्तव्य पालन गर्न र पापबाट बच्न अझ बढी सावधानी र परिश्रम गर्न प्रेरित गर्नेछ।

एक सिद्ध उद्धारक

जो-जो साँचो हृदयले ख्रीष्टकहाँ आउन र उहाँलाई स्विकार्न चाहन्छन्, तिनीहरूले सबै कुरालाई हानि ठान्नुपर्छ । तिनीहरूले आफ्ना सबै स्व-धार्मिकतालाई त्याग्नुपर्छ। हामीमा भएका असल कुराहरूको भावनालाई पूर्ण रूपमा त्याग्नुपर्छ । हामीले आफैलाई केही पनि नभएको नीच र असहायको रूपमा हेर्नुपर्छ। हामीले एक सानो बालकलेझैँ खीष्टलाई दया र नम्रताका साथ ग्रहण नगरेसम्म स्वर्गको राज्यमा प्रवेश गर्न असम्भव छ। ख्रीष्टलाई ग्रहण गर्नका लागि हामीसँग केही हुनुपर्दैन, केवल परमेश्वरको अनुग्रहमाथि विश्वास भए पुग्छ ।

पापमय डरमाथि विजय हुनु 

हामी जान्दछौं कि, हामी एकदमै शक्तिशाली र क्रोधित शत्रुहरूको बिचमा छौं। हामी तिनीहरूका क्रूर हातहरूले यस संसारमा कस्ता रक्तपातपूर्ण त्रासदीहरू मच्चाउलान् भन्ने सोचेर धरथर काँप्छौं। तर परमेश्वरको करारले तपाईलाई यी डरहरूको बिचमा विश्वासको महान् र सहासिलो कार्य गर्ने शक्ति दिनुहुन्छ। यदि परमेश्वर तपाईको परमेश्वर हुनुहुन्छ भने, तपाईको साथमा सर्वशक्तिमान परमेश्वर हुनुहुन्छ। यही कुरा नै सबै डरहरूलाई मार्नको लागि पर्याप्त छ।