प्रायः पास्टरहरूले मलाई यो प्रश्न सोध्नु हुन्छ, “हामी कसरी चर्चलाई परिवर्तन गर्न सक्छौ ?” चर्चलाई परिवर्तन गर्ने प्रयासको क्रममा कति सेवकहरूले चर्च छोडेका छन् त कतिलाई स्वयम् चर्चले नै निस्कासन गरेको छ । परिवर्तन कठिन कार्य भए तापनि एक गोठालो भएको कारण हामीले आफ्नो चर्चलाई परिवर्तनतर्फ डो¥याउनै पर्छ । चर्चमा परिवर्तन ल्याउनको लागि केही सुझाबहरू यसप्रकार छन्ः सिकाउनु, स्थिर रहनु र प्रेम गर्नु ।

परिवर्तन गर्न सिकाउनु होस्

पहिलो कुरा, चर्च प्रतिको हाम्रो विचार पवित्र धर्मशास्त्रबाट आउनुपर्छ । यसले पुलपिट परिवर्तनको लागि सबैभन्दा शक्तिशाली औजार प्रदान गर्दछ । साधारणतया, पवित्र धर्मशास्त्रको नियमित व्याख्यात्मक प्रचारद्वारा नै पवित्र आत्माले मानिसको हृदयमा काम गर्नुहुन्छ । त्यसैले प्रार्थना गर्नुहोस् कि, परमेश्वरले तपाईंको प्रचारद्वारा चर्चलाई कसरी परिवर्तन हुनुपर्ने हो भन्ने कुरा सिकाउनु भएको होस् । मलाई अचम्म लाग्छ, हामी पास्टरहरूको समस्या के हो भनी चर्चलाई बताइकन नै  त्यस समस्याको समाधान  हामी गर्न खोज्छौ । प्रायः जसो पास्टरहरू आफ्नो अगुवापनको आडमा जबर्जस्ती आफ्नो चर्चलाई परिवर्तन गर्न चाहन्छन्, जब कि तिनीहरूले पहिला आफ्नो चर्चलाई जानकारी दिनुपर्ने हुन्छ । दाजुभाइ हो, हामीलाई हेरचाह गर्न जिम्मा दिइएको भेडाहरूलाई हामीले खुवाउनु पर्छ, सिकाउनु पर्छ, टिठ्याउने होइन । तपाईंले परिकल्पना गर्नुभएको परिवर्तन सही भए पनि प्रश्न यो आउँछ कि, के त्यस परिकल्पनालाई कार्यन्वयन गर्न यो ठीक समय हो ? तपाईं सही हुनुले तपाईंलाई तुरुन्तै योजना कार्यन्वयन गर्ने अनुमति पत्र प्रदान गर्दैन ।

परिवर्तन गर्न स्थिर रहनुहोस्

२१ औँ शताब्दीमा,  कुनै पनि कुरामा प्रतिबद्ध भइ लागिपर्ने अवधारणा हराउँदै गएको छ । अहिलेको पुस्तामा प्रचलित ढाँचा भनेको संयुक्त रूपमा पूर्व निर्मित, समिति बाटोहरूलाई पहिल्याउने खुड्किला नभएर असीमित रूपमा फैलिएको विभिन्न विकल्पहरू प्रदान गर्ने विश्वव्यापी सञ्जाल रहेको छ । प्रत्येकले एक अर्कालाई समृद्ध पार्ने आशामा हामीलाई विभिन्न अनुभवको मूल्यांकन गर्न सिकाइँदैछ ।

हामी पास्टरहरूले हाम्रो चर्चमा फरक ढाँचालाई स्थापित गर्न आवश्यक छ । हामीले यो सिकाउन जरुरी छ कि, प्रतिबद्धता असल हो, चाहे त्यो हाम्रो विवाहमा होस्, वा हाम्रो परिवार र विश्वासमा वा त चर्च र हाम्रो छिमेकीसँगको सम्बन्धमा । लामो समय अवधि (केही महिनासम्मको लागि नभएर वर्षौँसम्मको लागि) सम्मको प्रतिबद्धताको प्रकाशमा रहेर नै हामी हाम्रो चर्चहरूलाई ठिक प्राथमिकता भेटाउनको लागि मदत गर्न सक्छौँ । 

एक पास्टरको रूपमा, चर्चलाई परिवर्तन गर्ने ठुलो शक्ति तपाईंको कडा र दबाबपूर्ण व्यक्तित्वबाट नभइ तपाईंले विश्वासयोग्य र धैर्यवान् भइ दिनु भएको शिक्षाबाट आउँछ । यस वर्षमा नभएको परिवर्तन अर्को वर्ष वा अरू १० वर्षमा हुन सक्छ । त्यस बेलासम्म अत्यावश्यक परिवर्तनको खाँचोलाई पहिलो प्राथमिकता दिएर आफ्नो लक्ष्यलाई  बुद्धिमानी पूर्वक छनोट गर्नुहोस् । तत्कालै गर्नुपर्ने अत्यन्तै महत्त्वपूर्ण र बिस्तारै परिवर्तन गर्न सकिने कुराहरूको निर्धारण गर्नुहोस् । साधारण रूपमा भन्नुपर्दा, पास्टरहरू परिपक्क भइ लामो समयसम्मको लागि बुद्धिमानी पूर्वक विचार गर्न जरुरी छ ।  

लामो समयसम्मको पास्टरीय सेवकाइको अनुभवले पनि पास्टरहरूलाई सहायता पुर्याउँछ । यस कुराले उहाँहरूलाई सुरुमा आफ्नो योजनाहरूलाई लिइ आउने र केही समयसम्म काम गरे पश्चात त्यस चर्चलाई छोडेर जाने जस्ता गलत काम गर्नबाट अलग राख्छ । प्रायः जति हामी स्थिर भइ एउटै चर्चको हेरचाह गर्छौ, त्यति नै हामी साँचो र वास्तविक बन्नु पर्ने हुन्छ, र यो वास्तवमै हाम्रो प्राण र हामीले सेवा गर्ने मानिसहरू दुवैका लागि असल कुरा हो ।

परिवर्तनको लागि सबैभन्दा मुख्य उपाय भनेको एउटै चर्चमा लामो समय अवधिसम्म सेवाकाई गर्नु हो । यदि त्यस चर्चमा तपाईंको लामो समयसम्म रहने  योजना छैन भने, सुरुवात गर्नुभन्दा पहिले तपाईं पछि आउने व्यक्तिले के कुराको अन्त्य गर्नुपर्ने हुन्छ भन्ने कुरामा होसियार हुनुहोस् । चर्चलाई तपाईं प्रति वा तपाईंपछि आउने व्यक्ति प्रति वा परिवर्तनको कुरा प्रति कठोर हुने बनाएर नछोड्नुहोस् । 

म एक जवान बाइबल कलेजको विद्यार्थी हुँदा, ३ जना क्याम्ब्रिज एङ्ग्लिकन चर्चको पादरीहरू मेरो लागि उदाहरणीय नमुनाको रूपमा हुनुहुन्थ्यो । तिनै जना बेलायतको प्रमुख ठाउँहरूमा रही  वर्षौँदेखि पवित्र धर्मशास्त्र प्रति विश्वासयोग्य भइ सेवकाइ गर्दै आइरहनुभएको थियो । रिचार्ड सिब्स (क्याम्ब्रिज र लण्डनमा ३० वर्षभन्दा बढी ), चार्ल्स सिमियोन ( क्याम्ब्रिजमा ५० वर्ष भन्दा बढी ) त्यसै गरि जोन स्टोट ( लण्डनमा ५० वर्षभन्दा बढी ) । परमेश्वरको अनुग्रहद्वारा तिनै जनाले आफूले सेवा गर्दै आएको चर्चको निर्माण गर्नुका साथसाथै आफ्नो लामो समयको विश्वासयोग्यताबाट आउँदै गरेको नयाँ पुस्तालाई समत प्रभाव पार्नुभएको थियो । 

परिवर्तन गर्न प्रेम गर्नुहोस्

साँचो परिवर्तनको परिकल्पना गर्न, त्यसको बारेमा सिकाउन र लामो समयसम्म एकै चर्चमा रहिरहनको लागि तपाईंले प्रेम गर्नुपर्छ । तपाईंले परमेश्वर र उहाँले तपाईंलाई रेखदेख गर्न दिनुभएको मानिसहरूलाई प्रेम गर्नुपर्छ ।  रोमको क्लेमेन्टले भनेका छन्, “ ख्रीष्ट, आफ्नो भेडाहरूभन्दा आफैलाई उच्च पार्नेहरूका लागि नभएर नम्र हृदय भएकाहरूका लागि हुनुहुन्छ ।” प्रेमद्वारा धैर्यपूर्ण वास्ता आँउदछ, जसले चर्चलाई पटक पटक परमेश्वरको वचन तर्फ फर्काउँछ । जोनाथन एडवार्डलाई उनको चर्चले निस्कासन गरे, तर उनी एक विश्वासयोग्य पास्टर थिए । हामीहरू कति जनाको पनि त्यस्तै प्रकारले थोरै समयको लागि मात्र चर्चमा रहेका तर विश्वासयोग्य पास्टरहरू थिए । तर यो मेरो चासोको विषय होइन । मैले त केवल साधारण रूपमा यस छोटो लेखद्वारा कसरी तपाईंले शिक्षा दिएर, चर्चमा लामो समयसम्म रहेर र प्रेम गरेर चर्चलाई बाइबलीय परिवर्तन तर्फ डोर्याउन सक्नु हुन्छ भन्ने केही विचारहरू तपाईंको दिमागमा उठाउने प्रयास गरेको हुँ ।

मार्क डेवर वाशिंगटन, डी. स., मा अवस्थित क्यापिटल हिल बप्तिस चर्चका वरिष्ट पास्टर साथै ९ चिन्हहरूको अध्यक्ष्य पनि हुनुहुन्छ । तपाईंले उहाँलाई ट्विटरमा २ ःबचपम्भखभच मा भेटाउन सक्नुहुन्छ । 

आफ्नो माया साझा गर्नुहोस्
Gospel Pubication
Gospel Pubication

न्यूजलेटर अपडेटहरू

न्यूजलेटर अपडेटको लागि सदस्यता लिन तल आफ्नो नाम र इमेल ठेगना भर्नुहोस् ।