बाह्र साधारण पुरुषहरू

बाह्र साधारण पुरुषहरू, यी पुरुषहरू को थिए ?

चेलाहरूको बारेमा सबैभन्दा रोचक कुरा के छ भने, तिनीहरू सबैलाई येशूले चुन्नुभयोः तिनीहरूमध्ये कोही सामान्य मछुवा, कोही कर उठाउने, र कोही आवेगी राजनैतिक उग्रपन्थी थिए ।

जब तपाईं यी चेलाहरूलाई कुनै पूर्वाग्रहबिना नयाँ दृष्टिकोणले हेर्नुहुन्छ, तब तपाईंले चकित पार्ने सत्यता फेला पार्नुहुनेछः कि उद्धारकर्ताले चुन्नुभएका ती पुरूषहरू एकदमै साधारण, असिद्ध, र उल्लेख गर्न अयोग्य थिए । तर, प्रभुले बोलाउनुहुँदा तिनीहरू हाजिर र आज्ञाकारी थिए ।

र येशूको शिक्षा र सङ्‌गतले गर्दा तिनीहरू संसारलाई सधैँको लागि परिवर्तन गर्ने शक्ति बने ।

आजका सबैभन्दा भरपर्दो बाइबल शिक्षकहरूमध्ये एकद्वारा लेखिएको यो पुस्तकले तपाईंलाई चेलाहरूसित पहिले कहिल्यै नगरे जस्तोगरी आमनेसामने भेट गराउँछ । तपाईं तिनीहरूको ठाउँमा रहेर अनुभव गर्नुहुनेछ । तपाईंले तिनीहरूको शङ्‌का र आशाहरू बुझ्नुहुनेछ । र तपाईंले येशूको वचनको शक्तिलाई पूरै नयाँ तरिकामा सुन्नुहुनेछ ।

बाह्र साधारण पुरुषहरूको सन्देश एकदमै स्पष्ट छ । यदि ख्रीष्टले यस्ता साधारण पुरुषहरूको जीवनबाट आफ्नो उद्देश्य पूरा गर्न सक्नुहुन्छ भने, कल्पना गर्नुहोस्, उहाँले तपाईंको लागि के भण्डार गरेर राख्नुभएको छ होला ।

जोन मकार्थर आजका प्रमुख बाइबल शिक्षकहरूमध्ये एक हुनुहुन्छ, जसले लाखौँ मानिसहरूको जीवनलाई परिवर्तन गर्ने थुप्रै पुस्तकहरू लेख्नुभएको छ । उहाँ क्यालिफोर्नियाको सन भ्यालीस्थित ग्रेस कम्युनिटी चर्चका पास्टर-शिक्षक, साथै द मास्टर्स कलेज एण्ड सेमिनारीका अध्यक्ष पनि हुनुहुन्छ। उहाँ ग्रेस टु यू सेवकाइका अध्यक्ष पनि हुनुहुन्छ । उहाँले नै द मकार्थर अध्ययन बाइबल का टिप्पणीहरू लेख्नुभएको हो, र त्यो बाइबलको ५,००,००० भन्दा बढी प्रतिहरू बिक्री भइसकेका छन्। जोन र उहाँकी पत्नी पेट्रीसियाका चार जना छोराछोरी (सबै विवाहित) र चौध जना नातिनातिना छन् ।

थप जानकारी

• लेखक: जोन मकार्थर
• स्वरूप: मुलायम कभर
• (ISBN) नम्बर: 9789937-9708-0-8    
• पृष्ठ संख्या: 218
• भाषा: नेपाली
• प्रकाशन: गोस्पल पब्लिकेशन

गोस्पल पब्लिकेशनमा जोन मकार्थरद्वारा लिखित नेपाली पुस्तकहरू